قال لك هذه امرأة ميريكانية..و فرنسية و مغربية..
سولوهم على الحاجة اللي شرطوا على الراجل و حققها..
ألميريكانية قالت: أنا النهار الأول قلت له ماكنعرف نطيب..التهار الثاني ماشفت والو..النهار الثالث جاب طباخة..
ألفرنسية قالت: أنا النهار الأوول قلت له ما كنعرف نصبن..النهار الثاني ماشفت والو..النهار الثالث جاب مكينة د الصابون..
ألمغربيةقالت: أنا النهار الأول قلت ما كتعرف نطيب و لا نصبن..النهار الثاني ماشفت والو..النهار الثالث..وليت كنشوف شويا بالعين اليمنية.....
هدا واحد خاينا مشا معا صاحبتو لسينيما هو يقول ليها اش بغيتي زريعا ولا شي حاجة باردة؟
هي تقوليه بجوج... هو يجيب ليها دلاحة
هدا واحد سراق الزيت (صرصور) طاح ف مولينيكس ملي خرج قال الله ينعل اللي باقي يمشي ل لافوار
هدا واحد خينا مربي بزآآآاف كايدق باب التلاجة قبل ما يحلها
هادي واحد الطلابة قالت لواحد المعلم: الله يرحم الوالدين عطيني باش نفرح الدراري.
قال ليها: سيري قولي ليهوم راه ما كايناش القراية غدا
واحد الجزار بدل الحرفة ولا حلاق واحد نهار كيحسن لواحدالكليان او هي تجي واحد المشة برزطاتو او هو يحيد لكليان وذنو أو لحها لها وقالها: يالله هنينا
واحد الولد قال لجدو: جدي كتعرف فرنسا؟
قال ليه جدو: دوزت فيها خمس سنين
قال ليه الولد: كتعرف النجليز؟
قال ليه جدو: دوزت فيها سبع سنين
قال ليه الولد: كتعرف البرازيل؟
......قال ليه جدو: دوزت فيها تسع سنين
قال ليه الولد: واو أجدي، كتعرف الجغرافيا
قال ليه جدو: دوزت فيها عشر سنين أولدي
هذا واحد البناي شعلت فيه العفية...حتى لقا راسو ف السبيطار مجبص...و هو يعيط لفرملية سولها...قليها واش انا تحرقت ولا تهرست؟؟؟...قتلو لا نت تحرقتي...ولكن صحابك البْنايا ملي بغاو يطفيواك....طفاواك ب البالات
بوق شاف بلاكة مكتوب عليها: مزرعة أبقار
سول مول المزرعة: كيفاش كتزرعوا البقر؟
تفلى عليه السيد وقال ليه:
كنرشوا السكر وكيخرج البقر.
ناض المبوق الغد ليه رش السكر.
رجع من بعد نهار لقى النمل مجموع على السكر.
وهو يقول: يا حليلي على البقر ملي كيكون صغير.
هادا واحد خينا مبوق مع راسو، وجاه البرد بزاف
ملي شعل العافية ودفى مزيان، عجبو الحال، وهو يقول: الله! لهلا يحرمنا منها لا دنيا ولا آخرة.
التعديل الأخير تم بواسطة أبوأكرم وعبد الصمد ; اليوم الساعة 20:19
via منتديات دفاتر التربوية بالمغرب http://www.dafatiri.com/vb/showthread.php?t=509361&goto=newpost
Aucun commentaire:
Enregistrer un commentaire